Bënunì
DOLOMITI
Despar Dolomiti, l supermarket che possa vester udù coch n supermarket tlassich.
N team da druch ulëssa fé ora de chësta butëiga tl zënter de Urtijëi y de Fíe na butëiga che se fajerà inuem, no mé per si netijia y l bënulëi de si cunlauranc, ma nce per la bela vela de prudoc frësc, prudoc dl Südtirol, prudoc bio y d'autra delicatësses.
PLAZES DA LASCÉ JU I AUTI DEBANT
On sambën pensà nce a chiche ruva adalerch cun l auto.
Garage Central/Stazion a 300 m, parché debant.
Tl garage Central iel 14 lueges da parché debant resservedes per nosc tlienc ntan che i compra ite tl supermarket Despar Dolomiti. L bonn per parché debant giapen ala cassa canche n paia mustran su la cherta da parché: l bonn vel avisa 3 ëura.
Ejëmpl: sce furnëis ite dala 9 daduman, pudëis furné ora de garage debant nchin dala 12.
Ocio: sce furnëis ora plu tert, po vën calculedes duta la ëures efetives y nsci ne ie deguna ëures debant. Perchël cialëde prëibel de lascé l garage dan che toma la 3 ëura!
L garage ie a 300 m dal supermarket.
A paiamënt possen lascé l auto:
sun plaza S. Antone, a feter 50 m
tl garage Cavallino Bianco, a feter 70 m
tl garage Mont Sëuc, a feter 100 m
tl garage Pana, a feter 200 m.
»
Chësta butëiga "dan porta" tl raion da jì a pe de Urtijëi y tl zënter de Fíe, de gran mpurtanza per la jënt da tlo che va a cumpré ite uni di, ie da udëi coche n supermarket tlassich. Nia n supermarket sciche tanc, cun linges de jënt, prëscia y busiamënt. Nëus ulon fé velch de miec dainora.
» »
Chësc supermarket uel vester na butëiga dl luech che luna ora per si netija, per si simpatia y si prudoc frësc, n pert di luesc da paur de Gherdëina y dl Südtirol. L uel vester na butëiga mpue autramënter dl solit, na butëiga ulache n se ncunforta a jì ite.
» » »
Se aspiton na butëiga dinamica y si merca dëssa vester la cura cun chëla che la vën meneda, la cualità di prudoc pitei y l vester daulëibon di cunlauranc da tlo.
L ne ie nia mé n cajo che l ie unì a s'l dé l supermarket Dolomiti. Na bela sburdla ie unida dal diretëur dla butëiga Theo Mahlknecht de Fie, na persona tacheda a nosc raion y ala natura y cunesciuda a Urtijëi per avëi menà truep ani l supermarket Despar tal Fever. Do avëi menà cun suzes dal scumenciamënt l Despar Dolomiti tl raion da jì a pe de Urtijëi se ncunfortel sën a ti sauté ite nce a chësta nueva ndesfideda: ti dé n'ana ala butëiga nueva a Fíe.
Theo à da for na pascion per la maiadives y ti dà na gran mpurtanza a n servisc daulëibon, ala netija y ala cumpetënza. L ti sta a cuer l cunlauré tl team, l cuntat cun l tlient y la prejentazion di prudoc.
L ti juderà a arjonjer si mira n team cris ora do criters rigurëusc, cunlauranc sun chëi che l possa se lascé.
Chiche ulëssa se pité per na tel stiera ie prià bel de cuntaté info@despar-dolomiti.it
